വ്യവസായ വകുപ്പ് മന്ത്രിയുടെ പ്രൈവറ്റ് സെക്രട്ടറിയെ മാറ്റി.
വ്യവസായ വകുപ്പ് മന്ത്രി ഇ പി ജയരാജന്റെ പ്രൈവറ്റ് സെക്രട്ടറിയെ മാറ്റി. സിപിഎം നേതാവ് കൂടിയായ എം പ്രകാശന്‍ മാസ്റ്ററെയാണ് മാറ്റിയത്. മന്ത്രിയും പ്രകാശന്‍ മാസ്റ്ററുമായി അഭിപ്രായ ഭിന്നത നിലനിന്നിരുന്നു. ഇതിനിടെയാണ് മാറ്റം.അതേസമയം നിയമസഭ തെരഞ്ഞെടുപ്പ് അടുത്ത വേളയില്‍ പാര്‍ട്ടിയില്‍ കൂടുതല്‍ ശ്രദ്ധ കേന്ദ്രീകരിക്കാനാണ് മാറ്റമെന്നാണ് സിപിഎം വിശദീകരണം. സിപിഎം കണ്ണൂര്‍ ജില്ലാ കമ്മിറ്റിയുടെ നിര്‍ദേശ പ്രകാരമാണ് പ്രകാശന്‍ മാസ്റ്ററെ മാറ്റിയത്.
കണ്ണൂര്‍ ജില്ലാ കമ്മിറ്റിയുടെ ആവശ്യം സിപിഎം സംസ്ഥാന സെക്രട്ടേറിയറ്റ് അംഗീകരിക്കുകയായിരുന്നു എന്നും സിപിഎം വിശദീകരിക്കുന്നു. അഴീക്കോട് നിയോജക മണ്ഡലത്തില്‍ നിന്നും പ്രകാശന്‍ മാസ്റ്റര്‍ രണ്ടു തവണ നിയമസഭാംഗമായിട്ടുണ്ട്.
