ബോംബ് പൊട്ടിത്തെറിച്ച് യുവാവിന്റെ ഇരുകൈകള്ക്കും പരിക്ക്
തിരുവനന്തപുരം: മണ്ണന്തല മുക്കോലയില് ബോംബ് നിര്മ്മാണത്തിനിടെയുണ്ടായ പൊട്ടിത്തെറിയില് യുവാവിന്റെ രണ്ട് കൈപ്പത്തിയും തകര്ന്നു. നെടുമങ്ങാട് സ്വദേശി അനിരുദ്ധന്റെ കൈപ്പത്തികളാണ് തകര്ന്നത്. അനിരുദ്ധന് ഒപ്പമുണ്ടായിരുന്ന മൂന്നു പേര്ക്കും പരിക്കേറ്റു.
17 വയസ്സുകാരനായ അനിരുദ്ധിനെതിരെ അനധികൃത ബോംബ് നിര്മ്മാണത്തിന് മുമ്പും കേസുണ്ട്. ആളൊഴിഞ്ഞ സ്ഥലത്ത് വച്ചാണ് ബോംബുകള് നിര്മ്മിച്ചത്. അനിരുദ്ധന്റെ സഹോദരന് അഖിലേഷിന്റെ കാലിനും ഗുരുതര പരിക്കേറ്റിട്ടുണ്ട്. ഇവര്ക്കൊപ്പമുണ്ടായിരുന്ന കിരണ്, ശരത് എന്നിവര്ക്കും പരിക്കേറ്റു.
ഇവരെ തിരുവനന്തപുരം മെഡിക്കല് കോളജ് ആശുപത്രിയിലേക്ക് മാറ്റി. സംഘത്തിലുള്ള കിരണിന് വഞ്ചിയൂരില് ബൈക്ക് മോഷണ കേസുണ്ട്. പരിക്കേറ്റ എല്ലാവര്ക്കും ക്രിമിനല് പശ്ചാത്തലമുണ്ട്.