വെയിലത്തു ജോലി ചെയ്യുന്നവരുടെ തൊഴില് സമയം പുനക്രമീകരിച്ചു.
വേനല് ചൂട് ഉയരുന്ന സാഹചര്യത്തില് വെയിലത്തു ജോലി ചെയ്യുന്ന തൊഴിലാളികളുടെ തൊഴില് സമയം പുനഃക്രമീകരിച്ച് ലേബര് കമ്മിഷണര് ഡോ. എസ്.ചിത്ര ഉത്തരവിറക്കി.ഏപ്രില് 30 വരെ എല്ലാ തൊഴിലാളികള്ക്കും ഉച്ചയ്ക്ക് 12 മുതല് 3 വരെ വിശ്രമവേളയായിരിക്കും. ഇവരുടെ ജോലി സമയം രാവിലെ 7 മുതല് വൈകുന്നേരം 7 വരെയുള്ള സമയത്തിനുള്ളില് എട്ടു മണിക്കൂറാക്കി. ഷിഫ്റ്റ് വ്യവസ്ഥയില് ജോലി ചെയ്യുന്നവര്ക്കു രാവിലത്തെ ഷിഫ്റ്റ് ഉച്ചയ്ക്ക് 12ന് അവസാനിക്കും. ഉച്ചയ്ക്കുശേഷമുള്ള ഷിഫ്റ്റ് വൈകുന്നേരം 3ന് ആരംഭിക്കുന്ന തരത്തിലുമാക്കി.സമുദ്രനിരപ്പില് നിന്ന് 3000 അടിയില് കൂടുതല് ഉയരമുള്ള, സൂര്യാഘാതത്തിനു സാധ്യതയില്ലാത്ത മേഖലകളെ ഈ ഉത്തരവിന്റെ പരിധിയില് നിന്ന് ഒഴിവാക്കി.