വിജയ് ബാബു നാളെ എത്തും
നടിയെ ബലാത്സംഗം ചെയ്ത കേസില് വിദേശത്തേക്ക് കടന്ന വിജയ് ബാബു നാളെ തിരിച്ചെത്തും. കോടതിയില് സമര്പ്പിച്ച് രേഖകള് പ്രകാരം നാളെ രാവിലെ ഒമ്പതരയോടെ കൊച്ചിയില് തിരിച്ചെത്തുമെന്ന് വിജയ് ബാബു അറിയിച്ചിട്ടുണ്ട്. അറസ്റ്റ് ചെയ്യും എന്നുള്ളതിനാലാണ് ഇന്നലെ എത്താതിരുന്നതെന്ന് മുന്കൂര് ജാമ്യാപേക്ഷ പരിഗണിക്കവേ ഹൈക്കോടതിയെ നടന് അറിയിച്ചിരുന്നു. പൊലീസ് കേസെടുത്തതിന് പിന്നാലെയാണ് വിജയ് ബാബു ദുബായിലേക്ക് കടന്നത്. അവിടെ നിന്ന് ജോര്ജിയയിലേക്കും പോയിരുന്നു.