ഭിന്നിപ്പുണ്ടാക്കാനില്ല; കേരള സ്റ്റോറി പ്രദര്ശിപ്പിക്കില്ലെന്ന് തലശ്ശേരി അതിരൂപത
കണ്ണൂര്: കേരള സ്റ്റോറി പളളികളില് പ്രദര്ശിപ്പിക്കില്ലെന്ന് തലശ്ശേരി അതിരൂപത. അതിരൂപതയ്ക്ക് കീഴിലുളള പള്ളികളില് പ്രദര്ശിപ്പിക്കാന് ഔദ്യോഗിക തീരുമാനം അതിരൂപത എടുത്തിട്ടില്ല. കെസിവൈഎമ്മിന്റേതായി വന്ന നിര്ദേശം രൂപതയുടേതല്ല. മതവിഭാഗങ്ങള്ക്കിടയില് ഭിന്നിപ്പുണ്ടാക്കാന് അതിരൂപത ഉദ്ദേശിക്കുന്നില്ല.
സിനിമയെടുത്തവരുടെ രാഷ്ട്രീയത്തിനൊപ്പം നില്ക്കാനില്ലെന്നും തെരഞ്ഞെടുപ്പ് സമയത്ത് വിവാദത്തിനില്ലെന്നും തലശ്ശേരി അതിരൂപത വ്യക്തമാക്കി. ഇന്ന് വൈകിട്ട് ചെമ്പന്തൊട്ടി പാരിഷ് ഹാളില് ദ കേരള സ്റ്റോറി പ്രദര്ശിപ്പിക്കുമെന്നായിരുന്നു കെസിവൈഎം അറിയിപ്പ്. ഇടുക്കി രൂപത ചിത്രം പ്രദര്ശിപ്പിച്ചതിന് തൊട്ടുപിന്നാലെ തലശേരി, താമരശേരി രൂപതകളും ചിത്രം പ്രദര്ശിപ്പിക്കും എന്നറിയച്ചതോടെ മുഖ്യമന്ത്രി നിലപാട് കടുപ്പിച്ച് രംഗത്തെത്തുകയും ചെയ്തു.
കേരള സ്റ്റോറിയില് പറഞ്ഞിരിക്കുന്ന കാര്യങ്ങള് എല്ലാം ശരിയാണെന്നും ലൗ ജിഹാദിന്റെ രൂപത്തില് നിര്ബന്ധിത മതപരിവര്ത്തനം നടക്കുന്നുവെന്നും ഇതിനെതിരെയുള്ള ബോധവല്ക്കരണമാണ് തങ്ങളുടെ ലക്ഷ്യമെന്നുമുള്ള നിലപാടാണ് അതിരൂപത സ്വീകരിച്ചത്.