പി.എസ്.സി ബിരുദതലം പ്രാഥമിക പരീക്ഷകള് മാറ്റിവെച്ചു
സെപ്തംബര് 18, 25 തീയതികളില് നടത്താന് നിശ്ചയിച്ചിരുന്ന ബിരുദതലം പ്രാഥമിക പരീക്ഷകള് മാറ്റിവെച്ചു. ഓക്ടോബര് 23, 30 തീയതികളിലേക്കാണ് മാറ്റിയിരിക്കുന്നത്. സെപ്റ്റംബര് 7 ന് നടത്താന് നിശ്ചയിച്ചിരുന്ന കോളജ് വിദ്യാഭ്യാസ വകുപ്പില് അസി. പ്രഫസര് (അറബി) തസ്തികയുടെ വിവരണാത്മക പരീക്ഷ ഒക്ടോബര് ആറിലേക്കും മാറ്റി. നിപ വൈറസ് ബാധയെ തുടര്ന്ന് കോഴിക്കോട്, കണ്ണൂര്, മലപ്പുറം ജില്ലകളില് അതീവ ജാഗ്രത പ്രഖ്യാപിച്ച സാഹചര്യത്തിലും, പരീക്ഷാ കേന്ദ്രങ്ങള് സജ്ജീകരിച്ച് ഉദ്യോഗാര്ത്ഥികളെ പരീക്ഷക്ക് ഇരുത്തുന്നതില് പ്രയാസം സൃഷ്ടിക്കുന്ന സാഹചര്യത്തിലുമാണ് മാറ്റം.