നീല്മണി ഫൂക്കനും ദാമോദര് മോസോയ്ക്കും ജ്ഞാനപീഠ പുരസ്കാരം.
ന്യൂഡല്ഹി :ജ്ഞാനപീഠ പുരസ്കാരം പ്രഖ്യാപിച്ചു.അസമീസ് സാഹിത്യകാരന് നീല്മണി ഫൂക്കനും കൊങ്കണി സാഹിത്യകാരന് ദാമോദര് മോസോയ്ക്കും ജ്ഞാനപീഠ പുരസ്കാരം. ദാമോദര് മോസോയ്ക്ക് ഈ വര്ഷത്തെ പുരസ്കാരവും നീല്മണി ഫൂക്കനു കഴിഞ്ഞ വര്ഷത്തെ പുരസ്കാരവുമാണ് പ്രഖ്യാപിച്ചത്.ഗോവന് ചെറുകഥാകൃത്തും നോവലിസ്റ്റും നിരൂപകനും കൊങ്കണി തിരക്കഥാകൃത്തുമാണ് ദാമോദര് മോസോ. കാര്മേലിന് എന്ന നോവലിന് 1983-ല് സാഹിത്യ അക്കാദമി അവാര്ഡും 2011-ല് സൂനാമി സൈമണ് എന്ന നോവലിന് വിമല വി.പൈ.വിശ്വ കൊങ്കണി സാഹിത്യ പുരസ്കാരവും ലഭിച്ചു.സാഹിത്യ അക്കാദമിയുടെ എക്സിക്യൂട്ടീവ് ബോര്ഡ്, ജനറല് കൗണ്സില്, ഫിനാന്സ് കമ്മിറ്റി അംഗം എന്നീ നിലകളില് പ്രവര്ത്തിച്ചിട്ടുണ്ട്. ഗാഥണ്, സാഗ്രണ, റുമാദ് ഫുള്, സപന് മോഗി, സൂനാമി സൈമണ്, സൂദ്, കാര്മേലിന്, ചിത്തരങ്ങി എന്നിവയാണ് പ്രധാന കൃതികള്.1990ല് നീല്മണിയെ രാജ്യം പത്മശ്രീ നല്കി ആദരിച്ചിരുന്നു. 1981-ലെ അസമീസ് സാഹിത്യ അക്കാദമി അവാര്ഡും 2002-ല് കേന്ദ്ര സാഹിത്യ അക്കാദമി ഫെല്ലോഷിപ്പും നേടി. സൂര്യ ഹേനോ നമി അഹേ ഈ നദിയേദി, ഫുലി തക സൂര്യമുഖി ഫുല്തോര് ഫാലെ, കബിത എന്നിവയാണ് പ്രധാന കൃതികള്.