നടന് ശ്രീജിത്ത് രവിക്ക് ജാമ്യം.
കൊച്ചി : നടന് ശ്രീജിത്ത് രവിക്ക് ജാമ്യം. ഹൈക്കോടതിയാണ് ജാമ്യം അനുവദിച്ചത്. സ്വഭാവ വൈകൃതത്തിന് ചികിത്സയിലാണെന്ന വാദം അംഗീകരിച്ചാണ് കോടതി ജാമ്യം അനുവദിച്ചത്. 2016 മുതല് സ്വഭാവവൈകല്യത്തിന് ചികിത്സയിലെന്നാണ് ശ്രീജിത്ത് കോടതിയെ അറിയിച്ചത്. തുടര്ച്ചയായുള്ള ജയില്വാസം ആരോഗ്യനില മോശമാക്കുമെന്നു0 അതിനാല് ജാമ്യം അനുവദിക്കണമെന്നും പ്രതിഭാഗം കോടതിയില് വാദിച്ചു. നിബന്ധനകളോടെയാണ് ജാമ്യം. ഭാര്യയും പിതാവും ശ്രീജിത്തിന് ആവശ്യമായ ചികിത്സ നല്കുമെന്ന് സത്യവാങ് മൂലം നല്കണമെന്നാണ് ഒരു നിബന്ധന. വീണ്ടും ഇത്തരത്തിലെ സംഭവങ്ങള് ആവര്ത്തിച്ചാല് ജാമ്യം റദ്ദാക്കുമെന്നും കോടതി അറിയിച്ചു.
അയ്യന്തോള് എസ്എന് പാര്ക്കിന് സമീപത്തെ ഫ്ളാറ്റിനു മുന്നില് നിന്നിരുന്ന പെണ്കുട്ടികള്ക്ക് നേരെ കഴിഞ്ഞ നാലിനാണ് ശ്രീജിത് രവി നഗ്നതാ പ്രദര്ശനം നടത്തിയത്. കുട്ടികള്, രക്ഷിതാക്കളെയും കൂട്ടിയെത്തിയപ്പോഴേക്കും പ്രതി കാറില് രക്ഷപെട്ടിരുന്നു.രക്ഷിതാക്കളുടെ പരാതിയില് കേസെടുത്ത തൃശൂര് വെസ്റ്റ് പൊലീസ് സിസിടിവി കേന്ദ്രീകരിച്ചു നടത്തിയ അന്വേഷണത്തിലാണ് ശ്രീജിത്ത് രവിയെ തിരിച്ചറിഞ്ഞത്.