നടന്‍ ജോജു ജോര്‍ജ് ദേശീയപാതയില്‍ ഇറങ്ങി നടന്നപ്പോള്‍ മാസ്‌ക് ധരിച്ചിരുന്നില്ല : കോണ്‍ഗ്രസ്
കോണ്‍ഗ്രസ് സംഘടിപ്പിച്ച ദേശീയപാത ഉപരോധത്തിനിടെ പ്രതിഷേധിച്ച നടന്‍ ജോജു ജോര്‍ജ് കോവിഡ് മാനദണ്ഡം ലംഘിച്ചെന്ന് ആരോപിച്ച് കൊച്ചി സിറ്റി ഡെപ്യൂട്ടി കമീഷണര്‍ക്ക് പരാതി.യൂത്ത് കോണ്‍ഗ്രസ് സംസ്ഥാന സെക്രട്ടറി പി.വൈ. ഷാജഹാനാണ് പരാതി നല്‍കിയത്. നടന്‍ ജോജു ജോര്‍ജ് ദേശീയപാതയില്‍ ഇറങ്ങി നടന്നപ്പോള്‍ മാസ്‌ക് ധരിച്ചിരുന്നില്ലെന്നാണ് പരാതി.ഇത്തരത്തില്‍ ആളുകളുമായി ഇടപഴകുകയും സംസാരിക്കുകയും ചെയ്തു. നിയമലംഘനം നടത്തിയിട്ടും പൊലീസ് കേസെടുത്തിട്ടില്ലെന്നും ഷാജഹാന്‍ പരാതിയില്‍ ചൂണ്ടിക്കാട്ടി. പൊലീസ് നടപടി കൈക്കൊള്ളാത്തത് ഉന്നതരുടെ സ്വാധീനത്തിന് വഴങ്ങിയാണെന്നും പരാതിയില്‍ ആരോപിക്കുന്നു.