കൊല്ലത്ത് ബിന്ദു കൃഷ്ണയ്ക്ക് സീറ്റില്ല; കോണ്ഗ്രസില് കൂട്ടരാജി
കൊല്ലത്ത് കോണ്ഗ്രസില് കൂട്ടരാജി. ബിന്ദു കൃഷ്ണയ്ക്ക് സീറ്റ് നല്കാത്തതില് പ്രതിഷേധിച്ച് രണ്ട് ബ്ലോക്ക് കമ്മറ്റി പ്രസിഡന്റുമാരും മുഴുവന് മണ്ഡലം പ്രസിഡന്റുമാരും രാജിവെച്ചു.കൊല്ലം മണ്ഡലത്തില് സുപരിചിതയായ ബിന്ദു കൃഷ്ണയെ സ്ഥാനാര്ഥിയായി പരിഗണിക്കാത്തതിനെ ചൊല്ലിയാണ് പ്രതിഷേധം.മണ്ഡലത്തിന് പുറത്തുള്ളവരെ സ്ഥാനാര്ഥിയാക്കരുത്. ബിന്ദു കൃഷ്ണക്ക് സീറ്റ് നിഷേധിച്ചാല് കൊല്ലം ജില്ലയിലെ മുഴുവന് മണ്ഡലങ്ങളെയും ബാധിക്കുമെന്നും നേതാക്കള് മുന്നറിയിപ്പ് നല്കുന്നു. കൊല്ലത്ത് ഇതിനകം ബിന്ദു കൃഷ്ണക്കായി ചുവരെഴുത്ത് വരെ തുടങ്ങിയിരുന്നു.