കേരളത്തില് അടുത്ത അഞ്ച് ദിവസം ഇടിമിന്നലോടു കൂടിയ മഴ
തിരുവനന്തപുരം :കേരളത്തില് അടുത്ത അഞ്ച് ദിവസം ഇടിമിന്നലോടു കൂടിയ മഴയ്ക്കു സാധ്യത.തെക്കേ ഇന്ത്യയ്ക്കു മുകളിലെ ന്യൂനമര്ദ പാത്തി, കിഴക്ക്- പടിഞ്ഞാറന് കാറ്റുകളുടെ സംയോജനം എന്നിവയുടെ സ്വാധീനത്തിലാണിത്. ഇന്ന് (മേയ് 4) കേരളത്തില് ഒറ്റപ്പെട്ട ശക്തമായ മഴയ്ക്കു സാധ്യതയെന്നും കേന്ദ്ര കാലാവസ്ഥ വകുപ്പ് അറിയിച്ചു.
ബംഗാള് ഉള്ക്കടലില് ന്യൂനമര്ദ സാധ്യത
ഇന്ന് (മേയ് 4) തെക്കന് ആന്ഡമാന് കടലില് ചക്രവാതചുഴി രൂപപ്പെടാന് സാധ്യത. മേയ് ആറോടെ ഇത് ന്യൂനമര്ദമാകാനും തുടര്ന്നുള്ള ദിവസങ്ങളില് കൂടുതല് ശക്തി പ്രാപിക്കാനും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.