കാരാട്ട് ഫൈസലിനോട് സ്ഥാനാര്ത്ഥിത്വത്തില് നിന്ന് പിന്മാറാന് സിപിഎം ആവശ്യപ്പെട്ടു.
സ്വര്ണക്കടത്ത് കേസില് ആരോപണ വിധേയനായ കാരാട്ട് ഫൈസലിനോട് തദ്ദേശ തെരഞ്ഞെടുപ്പിലെ സ്ഥാനാര്ത്ഥിത്വത്തില് നിന്ന് പിന്മാറാന് സിപിഎം ആവശ്യപ്പെട്ടു. സിപിഎം സംസ്ഥാന കമ്മിറ്റിയുടെ നിര്ദ്ദേശ പ്രകാരം ജില്ലാ കമ്മിറ്റിയാണ് ഈ കാര്യം ആവശ്യപ്പെട്ടത്. കഴിഞ്ഞ ദിവസം ചേര്ന്ന താമരശേരി ലോക്കല് കമ്മറ്റിയില് വിഷയം ചര്ച്ചക്ക് വന്നിരുന്നു. കൊടുവള്ളി നഗരസഭ ചുണ്ടപ്പുറം ഡിവിഷനില് നിന്നും ഇടത് സ്ഥാനാര്ത്ഥിയായി കാരാട്ട് ഫൈസലിന്റെ പേരാണ് പ്രഖ്യാപിച്ചത്. കുന്ദമംഗലം എംഎല്എ അഡ്വ പി ടി എ റഹീമായിരുന്നു ഫൈസലിന്റെ സ്ഥാനാര്ഥിത്വം പ്രഖ്യാപിച്ചിരുന്നത്.നിലവില് മറ്റൊരു വാര്ഡിലെ കൗണ്സിലറാണ് കാരാട്ട് ഫൈസല്. യുഎഇ കോണ്സുലേറ്റ് സ്വര്ണ്ണക്കടത്ത് കേസിലും ഫൈസലിനെ ഇഡി ചോദ്യം ചെയ്തിരുന്നു.