ഇറക്കുമതി ചെയ്ത കാറിന്റെ പ്രവേശന നികുതി അടയ്ക്കാമെന്നു നടന് വിജയ്
ഇറക്കുമതി ചെയ്ത കാറിന്റെ പ്രവേശന നികുതി അടയ്ക്കാമെന്നു നടന് വിജയ് മദ്രാസ് ഹൈക്കോടതിയില് അറിയിച്ചു. എന്നാല്, മുന് സിംഗിള് ബഞ്ച് വിധിയിലെ അനാവശ്യമായ പരാമര്ശങ്ങള് എല്ലാം നീക്കണം. സമാന കേസുകളില് ഇത്തരത്തിലുള്ള പരാമര്ശങ്ങള് ഉണ്ടായിട്ടില്ലെന്നും വിജയ്ക്കു വേണ്ടി ഹാജരായ മുന് അഡ്വക്കറ്റ് ജനറല് വിജയ് നാരായണ് കോടതിയെ അറിയിച്ചു.അതേസമയം, സിംഗിള് ബെഞ്ച് ഉത്തരവ് മദ്രാസ് ഹൈക്കോടതി ഡിവിഷന് ബെഞ്ച് സ്റ്റേ ചെയ്തു. നിശ്ചിത നികുതി ഒരാഴ്ചയ്ക്കുള്ളില് അടയ്ക്കാനും കോടതി നിര്ദേശിച്ചു. വിധിയിലെ പരാമര്ശങ്ങള് നീക്കണമെന്ന ആവശ്യത്തിലെ തുടര്വാദം ഓഗസ്റ്റ് 31നു നടക്കും.നികുതി ചുമത്തുന്നതു ചോദ്യം ചെയ്യാന് എല്ലാ പൗരന്മാര്ക്കും അവകാശമുണ്ടെന്നും നികുതി വകുപ്പ് നോട്ടിസ് നല്കിയാല് ഒരാഴ്ചയ്ക്കുള്ളില് പ്രവേശന നികുതി അടയ്ക്കാമെന്നും കോടതിയെ വിജയ് നാരായണ് അറിയിച്ചു. സിംഗിള് ബെഞ്ച് വിധി ചോദ്യം ചെയ്തുള്ള ഹര്ജിയിലെ വാദത്തിനിടെയാണു വിജയ് നിലപാട് അറിയിച്ചത്.