ഇടുക്കി ജില്ലയില് ഉപതിരഞ്ഞെടുപ്പ് ഫലം പ്രഖ്യാപിച്ചപ്പോള് യുഡിഎഫും ബിജെപിയും
ഇടുക്കി ജില്ലയിലെ രണ്ട് വാര്ഡുകളിലെ ഉപതിരഞ്ഞെടുപ്പ് ഫലം പ്രഖ്യാപിച്ചപ്പോള് ഒരു സീറ്റില് യുഡിഎഫും ഒരു സീറ്റില് ബിജെപിയും ജയിച്ചു. രാജാക്കാട് പഞ്ചായത്ത് ഒന്പതാം വാര്ഡില് യുഡിഎഫ് 240 വോട്ടുകള്ക്ക് ജയിച്ചപ്പോള്, ഇടമലക്കുടി പഞ്ചായത്തിലെ ഇഡലിപ്പാറ വടക്ക് വാര്ഡില് ബിജെപി ഒരു വോട്ടിന് ജയിച്ചു. രാജാക്കാട് യുഡിഎഫ് സിറ്റിങ് സീറ്റ് നിലനിര്ത്തിയപ്പോള് ഇടമലക്കുടിയില് എല്ഡിഎഫിന്റെ സീറ്റാണ് ബിജെപി പിടിച്ചെടുത്തത്. ഉപതിരഞ്ഞെടുപ്പ് ഫലം ഇരു പഞ്ചായത്തിലും ഭരണത്തെ ബാധിക്കില്ല.