ആര്‍.ബാലകൃഷ്ണപിള്ളയ്ക്ക് നാടിന്റെ അന്ത്യാഞ്ജലി.
കേരള കോണ്‍ഗ്രസ് ബി ചെയര്‍മാനും മുന്നോക്ക വികസന കോര്‍പറേഷന്‍ അധ്യക്ഷനും മുന്‍ മന്ത്രിയുമായ ആര്‍.ബാലകൃഷ്ണപിള്ളയ്ക്ക് നാടിന്റെ അന്ത്യാഞ്ജലി. കൊട്ടാരക്കര വാളകത്തെ കീഴൂട്ട് തറവാട്ടില്‍ ഔദ്യോഗിക ബഹുമതികളോടെ സംസ്‌കാരം നടന്നു. മുഖ്യമന്ത്രി പിണറായി വിജയന്‍ വീട്ടിലെത്തി അന്ത്യാഞ്ജലി അര്‍പ്പിച്ചു.
എം.വി.ഗോവിന്ദന്‍, ഇ പി ജയരാജന്‍, കെ എന്‍ ബാലഗോപാല്‍ തുടങ്ങി സി പി എം നേതാക്കളും മുഖ്യമന്ത്രിക്കൊപ്പമുണ്ടായിരുന്നു. പത്തനാപുരത്തെ എന്‍എസ്എസ് താലൂക്ക് യൂണിയന്‍ ഓഫീസില്‍ പൊതുദര്‍ശനത്തിനു വച്ച ഭൗതിക ശരീരത്തില്‍ പ്രതിപക്ഷനേതാവ് രമേശ് ചെന്നിത്തലയും അന്ത്യാഞ്ജലി അര്‍പ്പിച്ചു. പുലര്‍ച്ചെ 5ന് കൊട്ടാരക്കരയിലെ സ്വകാര്യ ആശുപത്രിയിലായിരുന്നു എണ്‍പത്തിയാറുകാരനായ ബാലകൃഷ്ണപിള്ളയുടെ അന്ത്യം.