അനുമോളുടെ കൊലപാതകം: ഭര്ത്താവ് പിടിയില്
ഇടുക്കി കാഞ്ചിയാറിലെ പ്രീ പ്രൈമറി അധ്യാപിക അനുമോളെ കൊലപ്പെടുത്തി മൃതദേഹം കട്ടിലിനടിയില് ഒളിപ്പിച്ച കേസിലെ പ്രതിയായ ഭര്ത്താവ് അറസ്റ്റില്. അതിര്ത്തിയിലെ വനമേഖലയില് നിന്നാണ് വിജേഷ് പിടിയിലായത്.കഴിഞ്ഞ 21 ന് വൈകിട്ടാണ് കാഞ്ചിയാര് സ്വദേശിയായ അധ്യാപിക അനുമോളെ വീട്ടിലെ കിടപ്പുമുറിയില് കൊല്ലപ്പെട്ട നിലയില് കണ്ടെത്തിയത്. മുറിയിലെ കട്ടിലിനടിയില് പുതപ്പില് പൊതിഞ്ഞ നിലയിലായിരുന്നു മൃതദേഹം. സംഭവത്തിനു പിന്നാലെ ഭര്ത്താവ് വിജേഷിനെ കാണാതാകുകയും ചെയ്തു. ജഡം കിടന്നിരുന്ന മുറിയിലോ വീട്ടിലോ അനുമോള് ഉപയോഗിച്ചിരുന്ന മൊബൈല് ഫോണ് കണ്ടെത്താന് കഴിഞ്ഞില്ല. ഇതേ തുടര്ന്ന് സൈബര് സെല്ലിന്റെ സഹായത്തോടെ നടത്തിയ അന്വേഷണത്തിലാണ് മൊബൈല് ഫോണ് മറ്റൊരാളുടെ കൈവശമുണ്ടെന്ന് കണ്ടെത്തിയത്.