ഇംഗ്ലണ്ട് – യുഎസ്എ; മത്സരം ഗോള്രഹിത സമനിലയില്
ദോഹ: ഫിഫ ലോകകപ്പിലെ പോരാട്ടത്തില് ഇംഗ്ലണ്ട് – യുഎസ്എ; മത്സരം ഗോള്രഹിത സമനിലയില്. ഇറാനെതിരെ ആറ് ഗോളടിച്ച് എത്തിയ ഇംഗ്ലണ്ടിനെ ഒരു ഗോള് പോലും നേടാനാവാതെ യുഎസ്എ പിടിച്ചുകെട്ടുകയായിരുന്നു.ലോകകപ്പില് നാളിതുവരെ ഇംഗ്ലണ്ടിന് യുഎസ്എയെ തോല്പിക്കാനായിട്ടില്ല. ഒരു തോല്വിയും രണ്ട് സമനിലയുമാണ് ഇതുവരെയുള്ള ഫലം. ഇംഗ്ലണ്ടും – യുഎസ്എസും കൂടുതല് ആക്രമിച്ച് കളിച്ചിട്ടും ആദ്യപകുതിയില് ഇരുകൂട്ടര്ക്കും ഗോള് അടിക്കാന് കഴിഞ്ഞില്ല. ഇംഗ്ലണ്ട് അഞ്ചും യുഎസ്എ ആറും ഷോട്ടുകള്ക്ക് ശ്രമിച്ചു. ഹാരി കെയ്നിനൊപ്പം ബുക്കായോ സാക്ക, മേസന് മൗണ്ട്, റഹീം സ്റ്റെര്ലിംഗ് എന്നിവരുണ്ടായിട്ടും ഇംഗ്ലണ്ടിന് പന്ത് വലയിലെത്തിക്കാനായില്ല. മറുവശത്ത് യൂറോപ്യന് ലീഗുകളിലെ പരിചയത്തിന്റെ കരുത്തില് ക്രിസ്റ്റ്യന് പുലിസിച്ചും തിമോത്തി വിയ്യയും സെര്ജിനോ ഡസ്റ്റുമെല്ലാം അപ്രതീക്ഷിത ആക്രമണങ്ങളുമായി ഇംഗ്ലണ്ടിനെ വിറപ്പിച്ചു. പുലിസിച്ചിന്റെ ശ്രമങ്ങള് നേരിയ വ്യത്യാസത്തില് പുറത്തുപോയിരുന്നില്ലെങ്കില് ആദ്യപകുതിയില് ഇംഗ്ലണ്ട് പിന്നിലായേനേ.രണ്ടാംപകുതി തുടങ്ങിയത് യുഎസ്എയുടെ ആക്രമണത്തോടെയാണ്. നിരന്തര ആക്രമണങ്ങളുമായി പുലിസിച്ച് ഇംഗ്ലീഷ് മടയിലേക്ക് പാഞ്ഞുകയറിയെങ്കിലും പിറ്റ്ഫോര്ഡിന്റെ ജാഗ്രത ഗുണം ചെയ്തു. മറുവശത്ത് അമേരിക്കന് ഗോളി മാറ്റ് ടര്ണറും മോശമാക്കിയില്ല. ഇഞ്ചുറിടൈമില് അവസരം കെയ്ന് മുതലാക്കാതെ വന്നതോടെ മത്സരം 0-0 ന് അവസാനിച്ചു. സമനില വഴങ്ങിയെങ്കിലും ഗ്രൂപ്പ് ബിയില് നാല് പോയിന്റുമായി ഇംഗ്ലണ്ട് തന്നെയാണ് മുന്നില്. ഇറാന് രണ്ടും(3 പോയിന്റ്), യുഎസ്എ(2 പോയിന്റ്) മൂന്നും സ്ഥാനങ്ങളിലാണ്. ഒരു പോയിന്റ് മാത്രമുള്ള വെയ്ല്സ് നാലാമത് നില്ക്കുന്നു.