ഓണം പ്രമാണിച്ച് സ്പെഷ്യല് അരിയുടെ വിതരണം ഓഗസ്റ്റ് 11ന് ആരംഭിക്കും
തിരുവനന്തപുരം: ഓണം പ്രമാണിച്ച് സര്ക്കാര് അനുവദിച്ചിട്ടുള്ള സ്പെഷ്യല് അരിയുടെ വിതരണം ഓഗസ്റ്റ് 11ന് ആരംഭിക്കുമെന്ന് ഭക്ഷ്യ-പൊതുവിതരണ മന്ത്രി ജി ആര് അനില് അറിയിച്ചു. വെള്ള, നീല കാര്ഡുടമകള്ക്ക് 10.90 രൂപ നിരക്കില് അഞ്ച് കിലോ വീതം സ്പെഷ്യല് പുഴുക്കലരി വിതരണം ചെയ്യുന്നതാണെന്നും മന്ത്രി അറിയിച്ചു.അതേസമയം, കണ്സ്യൂമര്ഫെഡിന്റെ ഓണച്ചന്തകള്ക്ക് ഈ മാസം 19ന് തുടക്കമാകും. വിലക്കയറ്റം രൂക്ഷമായ സാഹചര്യത്തില് 13 ഇനം നിത്യോപയോഗ സാധനങ്ങള് സബ്സിഡി നിരക്കില് സാധാരണക്കാരന് കിട്ടുന്ന തരത്തിലാണ് ചന്തകള് ക്രമീകരിച്ചിരിക്കുന്നത്. തിരക്ക് ഒഴിവാക്കുന്നതിനുള്ള ക്രമീകരണങ്ങളും ചന്തകളില് ഏര്പ്പെടുത്തുമെന്ന് കണ്സ്യൂമര്ഫെഡ് അധികൃതര് അറിയിച്ചു.