വയനാട് കുറുക്കന്മൂലയില് വീണ്ടും കടുവയുടെ സാന്നിധ്യം
മാനന്തവാടി; വയനാട് കുറുക്കന്മൂലയിലെ ജനവാസ മേഖലകളില് ഇറങ്ങിയ കടുവയുടെ സാന്നിധ്യം ഇന്നു രാവിലെയും കണ്ടെത്തി. രാവിലെ കണ്ടെത്തിയ കാല്പാടുകളില്നിന്ന് കടുവയുടെ സാന്നിധ്യം പരിസരത്തുണ്ടെന്ന് ഉറപ്പിച്ചു. കുറുക്കന്മൂല പ്രാഥമിക ആരോഗ്യകേന്ദ്രത്തിനു താഴെയുള്ള പ്രദേശത്തു കടുവയുണ്ടെന്നാണു നിഗമനം. വനംവകുപ്പിന്റെ നേതൃത്വത്തിലുള്ള ദൗത്യസംഘം പ്രദേശത്തു തിരിച്ചില് നടത്തി.കടുവയെ കണ്ട പുതിയിടത്ത് ഇന്നലെയുണ്ടായ സംഘര്ഷത്തില് മാനന്തവാടി നഗരസഭ കൗണ്സിലര് വിപിന് വേണുഗോപാലിനെതിരെ പൊലീസ് കേസെടുത്തിരുന്നു. കടുവയെ പിടിക്കുന്നതില് വനംവകുപ്പ് വീഴ്ചവരുത്തുന്നതായി ആരോപിച്ച് നാട്ടുകാര് നടത്തിയ പ്രതിഷേധമാണ് സംഘര്ഷത്തില് കലാശിച്ചത്. വനം ഉദ്യോഗസ്ഥന് കത്തി ഊരാന് ശ്രമിച്ചത് ഈ സംഘര്ഷത്തിനിടെയാണ്.