പ്ലാന്റേഷന് കോര്പറേഷന് വെല്ഫയര് ഓഫീസറുടെ വീട് കാട്ടാന തകര്ന്നു
തൃശൂര്: അതിരപ്പള്ളിയില് പ്ലാന്റേഷന് കോര്പറേഷന് വെല്ഫയര് ഓഫീസറുടെ വീട് കാട്ടാന തകര്ന്നു. വീടിനുള്ളില് കയറി കാട്ടാന കൂട്ടം വീട് തകര്ക്കുകയായിരുന്നു. ഇന്നലെ രാത്രിയോടെയാണ് കാട്ടാനക്കൂട്ടം വീട്ടിനുള്ളില് കയറി ആക്രമണം അഴിച്ചുവിട്ടത്.
രാവിലെ തോട്ടത്തിലെത്തിയ തൊഴിലാളികളാണ് വീട് ആന ആക്രമിച്ച വിവരം മനസിലാക്കുന്നത്. ഇവരാണ് മറ്റുള്ളവരെ വിവരമറിയിച്ചത്. പല ഉപകരണങ്ങളും വീട്ടുപയോഗത്തിനുള്ള സാധനങ്ങളും നശിപ്പിച്ച നിലയിലാണ്.ഫര്ണിച്ചറുകളും മറ്റും തകര്ത്തിട്ടുണ്ട്.കാട്ടാനക്കൂട്ടം വീടിനകത്ത് കയറിയ സമയത്ത് ഇവിടെ ആരുമുണ്ടായിരുന്നില്ല.
അതിനാല് അപായമൊന്നുമില്ല. പ്ലാന്റേഷന് തോട്ടത്തിനോട് ചേര്ന്നാണ് ഈ വീടുള്ളത്. കഴിഞ്ഞ ദിവസം ഇതേ രീതിയില് മൂന്ന് കെട്ടിടങ്ങള് കൂടി ആനകള് തകര്ത്തിരുന്നു.