ചാര്ജ് വര്ദ്ധന പരിഗണിക്കുന്നില്ലെന്ന് ഗതാഗത മന്ത്രി.
ഇന്ധന വില വര്ധന മൂലമുള്ള സാമ്പത്തിക പ്രതിസന്ധി മറികടക്കാന് ചാര്ജ് വര്ദ്ധന പരിഗണിക്കുന്നില്ലെന്ന് ഗതാഗത മന്ത്രി ആന്റണി രാജു. കെഎസ്ആര്ടിസിയുടെ ആദ്യ എല്എന്ജി ബസ് സര്വ്വീസ് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. കെഎസ്ആര്ടിസിയിലെ പെന്ഷന് പ്രതിസന്ധി പരിഹരിക്കും. സഹകരണ ബാങ്ക് വഴിയുള്ള വിതരണത്തിന് കരാര് പുതുക്കും. കെഎസ്ആര്ടിസിയില് സാമ്പത്തിക അച്ചടക്കം കൊണ്ടുവരുമെന്നും മന്ത്രി അറിയിച്ചു.
കെഎസ്ആര്ടിസിയുടെ ആദ്യ എല്എന്ജി ബസ് സര്വ്വീസ് തിരുവനന്തപുരത്ത് മന്ത്രി ഉത്ഘാടനം ചെയ്തു. തിരുവനന്തപുരം-എറണാകുളം, എറണാകുളം-കോഴിക്കോട് റൂട്ടുകളിലാണ് സര്വീസ്. പെട്രോനെറ്റ് എല്എന്ജി ലിമിറ്റഡാണ് പരീക്ഷണസര്വ്വീസിനുള്ള ബസ്സുകള് കൈമാറിയത്. ഇന്ധനക്ഷമതയും സാമ്പത്തികലാഭവും വിലയിരുത്തും. 400 ബസ്സുകള് എല്എന്ജിയിലേക്ക് മാറ്റുന്നത് സംബന്ധിച്ച അന്തിമ തീരുമാനം ഇതിനു ശേഷം മാത്രമായിരിക്കും.