കോട്ടയം ഭരണങ്ങാനത്തിനടുത്ത് കുറുമണ്ണില് ഉരുള്പൊട്ടി.
കോട്ടയം: ഭരണങ്ങാനം പഞ്ചായത്തിലെ നാലാം വാര്ഡില് ഉരുള്പൊട്ടി. ആളപായം ഉണ്ടായില്ലെന്നാണ് റിപ്പോര്ട്ട്. ഇന്ന് പുലര്ച്ചെയാണ് അപകടം നടന്നത്. ഭരണങ്ങാനത്തിനടുത്ത് കുറുമണ്ണിന് സമീപം രണ്ടുമാവ് ചായനാനിക്കല് ജോയിയുടെ വീട് ഉരുള്പൊട്ടലില് തകര്ന്നു. സംഭവസമയത്ത് ആറ് പേര് വീട്ടിലുണ്ടായിരുന്നു. വെള്ളമൊഴുക്കിന്റെ ആഘാതത്തില് അടുക്കളയും കുളിമുറിയും അടക്കം തകര്ന്നു. കടനാട്, ഭരണങ്ങാനം പഞ്ചായത്തുകളുടെ അതിര്ത്തിയിലാണ് ഉരുള്പൊട്ടലുണ്ടായത്. വീട്ടില് ഉണ്ടായിരുന്നവര് ബന്ധു വീട്ടിലേക്കു മാറി.