കുടുംബത്തിന് സര്ക്കാര് ധനസഹായം പ്രഖ്യാപിച്ചു
തിരുവനന്തപുരം: കൊട്ടാരക്കര താലൂക്ക് ആശുപത്രിയില് ജോലി ചെയ്യുന്നതിനിടെ അക്രമിയുടെ കുത്തേറ്റ് കൊല്ലപ്പെട്ട ഡോ വന്ദന ദാസിന്റെ കുടുംബത്തിനും, കെഎംഎസ്സിഎല് തീപിടുത്തം അണയ്ക്കാനുള്ള ശ്രമത്തിനിടെ മരിച്ച ഫയര്ഫോഴ്സ് ഉദ്യോഗസ്ഥന് രഞ്ജിത്തിന്റെ കുടുംബത്തിനും 25 ലക്ഷം രൂപ വീതം ധനസഹായം സംസ്ഥാന സര്ക്കാര് പ്രഖ്യാപിച്ചു. ഇന്ന് ചേര്ന്ന മന്ത്രിസഭാ യോഗത്തിലാണ് തീരുമാനം ഉണ്ടായത്. പ്രഖ്യാപിച്ചിട്ടുണ്ട്. കഴി 10 നായിരുന്നു സംഭവം. കൊല്ലം കൊട്ടാരക്കര താലൂക്ക് ആശുപത്രിയില് പൊലീസ് കസ്റ്റഡിയിലുള്ള പ്രതിയെ ചികിത്സക്കുന്നതിനിടെ സര്ജിക്കല് ഉപകരണങ്ങളുപയോഗിച്ച് ആക്രമിക്കുകയായിരുന്നു. ആക്രമണത്തെ തുടര്ന്ന് തിരുവന്തപുരത്തെ സ്വകാര്യ ആശുപത്രിയില് ചികിത്സയിലിരിക്കെ ഹൗസ് സര്ജന് വന്ദന ദാസാണ് (22) മരിക്കുകയായിരുന്നു.പൊലീസ് കസ്റ്റഡിയിലുള്ള പൂയപ്പള്ളി സ്വദേശി സന്ദീപാണ് വനിതാ ഡോക്ടറെ കുത്തിക്കൊലപ്പെടുത്തിയത്. പൊലീസ് കസ്റ്റഡിയിലെടുത്ത പ്രതിയെ വൈദ്യ പരിശോധനക്ക് എത്തിച്ചപ്പോഴായിരുന്നു അക്രമമുണ്ടായത്. തുമ്പ കിന്ഫ്ര പാര്ക്കിലെ മെഡിക്കല് സര്വീസസ് കോര്പ്പറേഷന്റെ മരുന്ന് സംഭരണ കേന്ദ്രത്തിലുണ്ടായ തീപിടുത്തത്തിലാണ് ചാക്ക യൂണിറ്റിലെ ഫയര്മാന് ജെ.എസ്. രഞ്ജിത്തിന് ദാരുണാന്ത്യം സംഭവിച്ചത് . തീ അണക്കാനുള്ള ശ്രമത്തിനിടെ കെട്ടിടത്തിന്റെ ഭാഗം ശരീരത്തിലേക്ക് വീണാണ് മരണം.23 ന് പുലര്ച്ചെ 1.30 ഓടെ വലിയ ശബ്ദത്തോടെ ഗോഡൗണ് പൊട്ടിത്തെറിക്കുകയായിരുന്നുവെന്നാണ് പ്രദേശവാസികളില് നിന്നും ലഭിക്കുന്ന വിവരം. സെക്യൂരിറ്റി മാത്രമാണ് തീപിടിച്ച സമയത്ത് സ്ഥലത്തുണ്ടായിരുന്നുള്ളൂ.