കേരളത്തില് സമ്പൂര്ണ ലോക്ഡൗണില്ല’; അടച്ചിടല് ഒഴിവാക്കാന് ജാഗ്രത പാലിക്കണം
സംസ്ഥാനത്ത് സമ്പൂര്ണ ലോക്ഡൗണ് നടപ്പാക്കുന്നതിനെക്കുറിച്ച് ഇപ്പോള് ആലോചിക്കുന്നില്ലെന്ന് ആരോഗ്യമന്ത്രി വീണ ജോര്ജ്.പൂര്ണ്ണമായ അടച്ചിടല് ജനജീവിതത്തെ ബാധിക്കും. അടച്ചിടല് ഒഴിവാക്കാന് എല്ലാവരും ജാഗ്രത പാലിക്കണം. വിദേശത്ത് നിന്ന് വരുന്നവര്ക്കുള്ള ക്വാറന്റീന് മാനദണ്ഡം കേന്ദ്ര നിര്ദേശമനുസരിച്ചാണ് മാറ്റിയിരിക്കുന്നത്. ഒമിക്രോണ് വകഭേദത്തിന്റെ വ്യാപന ശേഷി കൂടുതലായതിനാലാണ് നിയന്ത്രണം കടുപ്പിച്ചതെന്നും മന്ത്രി പറഞ്ഞു. ഒരു മാസത്തിന് ശേഷം സംസ്ഥാനത്ത് ഇന്നലെ കൊവിഡ് രോഗികളുടെ എണ്ണം അയ്യായിരം കടന്നിരുന്നു.