പട്ടയഭൂമിയിലെ മരംമുറി കേസില് സി ബി ഐ അന്വേഷണമില്ല; സര്ക്കാര് നിലപാട് അംഗീകരിച്ച് ഹൈക്കോടതി.
പട്ടയഭൂമിയിലെ മരംമുറി കേസില് സി ബി ഐ അന്വേഷണം ആവശ്യപ്പെട്ടുള്ള പൊതുതാത്പര്യ ഹര്ജി ഹൈക്കോടതി തള്ളി. സംസ്ഥാന സര്ക്കാരിന്റെ വാദങ്ങള് അംഗീകരിച്ചാണ് കോടതി നടപടി. കേസില് സി ബി ഐക്ക് ഇടപെടാനാകില്ലെന്ന് സംസ്ഥാന സര്ക്കാര് കോടതിയില് നിലപാടെടുത്തു. ക്രൈം ബ്രാഞ്ചിന്റെ പ്രത്യേക അന്വേഷണ സംഘമാണ് കേസ് അന്വേഷിക്കുന്നതെന്നും നിലവില് നടക്കുന്ന അന്വേഷണം ഫലപ്രദമാണെന്നും സര്ക്കാര് ഹൈക്കോടതിയെ അറിയിച്ചു.