കോവിഡ് നിയന്ത്രണങ്ങള് കടുപ്പിക്കുന്നു ;നാളെ മുതല് മുതല് പരിശോധന
സംസ്ഥാനത്ത് കോവിഡ് നിയന്ത്രണങ്ങള് കടുപ്പിക്കുന്നു.നാളെ മുതല്
മുതല് പൊലീസ് പരിശോധന കര്ശനമാക്കാനാണ് തീരുമാനം. എല്ലാവരും മാസ്ക് ധരിക്കുന്നുവെന്ന് ഉറപ്പാക്കാനാണ് നിര്ദേശം. കൂടുതല് സെക്ടറല് മജിസ്ട്രേറ്റുമാരെ നിയമിക്കും.പരിശോധനകളുടെ എണ്ണം വര്ധിപ്പിക്കും, ഇതരസംസ്ഥാനക്കാര്ക്ക് ഒരാഴ്ച ക്വാറന്റീന് തുടരും. എല്ലാ പോളിങ് ഏജന്റുമാരും പരിശോധന നടത്തണം. കോവിഡ് കോര് കമ്മിറ്റി യോഗത്തിലാണ് തീരുമാനം. തിരഞ്ഞെടുപ്പ് കഴിഞ്ഞ സാഹചര്യത്തിലും മാറ്റിവച്ച എസ്എസ്എല്സി, പ്ലസ് ടു പരീക്ഷകള് ആരംഭിക്കുന്ന സാഹചര്യത്തിലും ജാഗ്രത പാലിക്കണമെന്ന് യോഗം വിലയിരുത്തി.
- യാത്രാവേളയിലും പരീക്ഷാഹാളിലും മാസ്ക് ധരിക്കുകയും സാമൂഹിക അകലം പാലിക്കുകയും ചെയ്യുക.
- പരീക്ഷയ്ക്ക് മുന്പും ശേഷവും സുഹൃത്തുക്കളുമൊത്ത് കൂട്ടംകൂടി നില്ക്കാതിരിക്കുക.
- മാതാപിതാക്കള് കഴിവതും വിദ്യാര്ഥികളെ അനുഗമിക്കാതിരിക്കുക.
- പരീക്ഷാഹാളില് പഠനോപകരണങ്ങള് പരസ്പരം പങ്കുവയ്ക്കാതിരിക്കുക.
- ക്വാറന്റീന് സമയം പൂര്ത്തിയാക്കാത്തതും ചെറിയ രീതിയിലെങ്കിലും കോവിഡ് ലക്ഷണങ്ങളുള്ളതുമായ വിദ്യാര്ഥികള് വിവരം പരീക്ഷാ കേന്ദ്രത്തില് അറിയിക്കുക.