ആ സാമൂഹ്യ വിരുദ്ധർ ആരാണ് …എരുമേലി  പോലീസ്  അന്വേഷിക്കുന്നു.

ഷാജിയും , അസുഖ ബാധിതയായ ഭാര്യ ലിസിയും , രണ്ട് മക്കൾ ,

ഷാജിയുടേയും –  ലിസിയുടേയും പ്രായം ചെന്ന അമ്മമാരുമാരും  വീട്ടിലുണ്ടായിരുന്ന സമയത്താണ്  വീടിന് നേരെ  സാമൂഹ്യ വിരുദ്ധർ  കല്ലെറിഞ്ഞത് . ഇതു കൂടാതെ പണം കൊടുത്ത് വാങ്ങി ടാങ്കിൽ സൂക്ഷിച്ച

കുടിവെള്ളത്തിൽ ചാണകവും  കലക്കിയിരുന്നു . പ്രദേശത്തെ ഒരു കുടിവെള്ള പദ്ധതിയുടെ ടാങ്ക് ഷാജിയുടെ സ്ഥലത്ത് നിന്നും മാറ്റിവച്ചതും, കഴിഞ്ഞ ദിവസം പൈപ്പിൽ നിന്നും വെള്ളം എടുത്തതുമാകാം  ഈ ക്രൂരതക്ക്  കാരണമെന്ന്  എസ് ഐ പറഞ്ഞു . ഇതുമായി ബന്ധപ്പെട്ട് ഓരോരുത്തരേയും വിളിച്ച്

ചോദ്യം ചെയ്യണമെന്നും അദ്ദേഹം പറഞ്ഞു. രോഗിയോടും കുടുംബത്തോടും കാട്ടിയത് ക്രൂരത തന്നെയാണെന്നും  കുറ്റം ചെയ്തവർക്കെതിരെ കർശന നടപടി സ്വീകരിക്കുമെന്നും എസ് . ഐ പറഞ്ഞു. പരാതി സ്വീകരിച്ചിട്ടുണ്ടെങ്കിലും പ്രതികളെ പിടിച്ചാൽ മാത്രമേ  കേസ് എടുക്കാൻ കഴിയൂയെന്നും അദ്ദേഹം പറഞ്ഞു. നാട്ടുകാരുടെ കൂടി സഹായത്തോടെ കഴിയുന്ന  ഇവരടക്കം പ്രദേശത്തെ  മറ്റ് മൂന്ന്  രോഗികൾക്ക് കൂടി സഹായം സ്വരൂപിക്കാനായി നാട്ടുകാർ കമ്മറ്റി രൂപീകരിച്ചതിന്  പിന്നാലെയാണ്  ഷാജിയുടെ കുടുംബത്തോട് ഈ ക്രൂരത കാട്ടിയത് .  ഈ ക്രൂരത കാട്ടിയവർക്കെതിരെ കർശന നടപടി സ്വീകരിക്കുമെന്ന് വാർഡംഗം മറിയാമ്മ സണ്ണി പറഞ്ഞു .