ഇന്നസെന്റ് എക്കാലവും ഓര്മിക്കപ്പെടും: അനുശോചിച്ച് പ്രധാനമന്ത്രി
അന്തരിച്ച മലയാള നടനും മുന് എംപിയുമായ ഇന്നസെന്റിന്റെ വിയോഗത്തില് അനുശോചനം അറിയിച്ച് പ്രധാനമന്ത്രി നരേന്ദ്രമോദി. പ്രേക്ഷകഹൃദയങ്ങളില് നര്മം നിറച്ച ഇന്നസന്റ് എന്നും ഓര്മിക്കപ്പെടുമെന്ന് പ്രധാനമന്ത്രി പറഞ്ഞു. അദ്ദേഹത്തിന്റെ കുടുംബത്തെയും ആരാധകരെയും അനുശോചനം അറിയിക്കുന്നതയി പ്രധാനമന്ത്രിയുടെ ഓഫീസ് ട്വീറ്റ് ചെയ്തു. പ്രമുഖ നടനും മുന് എംപിയുമായ ശ്രീ ഇന്നസെന്റിന്റെ നിര്യാണത്തില് വേദനിക്കുന്നു. പ്രേക്ഷകരെ ആകര്ഷിക്കുന്നതിനും പ്രേക്ഷകഹൃദയങ്ങളില് നര്മ്മം നിറച്ചതിനും അദ്ദേഹം ഓര്മ്മിക്കപ്പെടും. അദ്ദേഹത്തിന്റെ കുടുംബാംഗങ്ങളോടും ആരാധകരോടും അനുശോചനം രേഖപ്പെടുത്തുന്നു. അദ്ദേഹത്തിന്റെ ആത്മാവിന് ശാന്തി നേരുന്നു, എന്നാണ് പിഎംഒ ഓഫീസ് ട്വീറ്റ് ചെയ്തത്.ഞായറാഴ്ച രാത്രി 10. 30യോടെ എറണാകുളം ലേക്ഷോര് ആശുപത്രിയില് വച്ചായിരുന്നു ഇന്നസെന്റിന്റെ വിയോഗം. മാര്ച്ച് മൂന്നിന് ആശുപത്രിയില് എത്തിച്ച ഇന്നസെന്റിന്റെ ജീവന്, ജീവന് രക്ഷാ ഉപകരണങ്ങളുടെ സഹായത്തോടെയാണ് ഇത്രയും നാള് പിടിച്ചു നിര്ത്തിയത്.