മുസ്ലിം ലീഗ് വ്യക്തിനിയമത്തിന്റെ ലംഘനം ;വിവാഹപ്രായം കൂട്ടുന്നതില് യുക്തിയില്ല :ഇ.ടി.മുഹമ്മദ് ബഷീര്
വിവാഹപ്രായം കൂട്ടുന്നതില് യുക്തിയില്ലെന്ന് മുസ്ലിം ലീഗ്. പഠനത്തിന്റെ അടിസ്ഥാനത്തിലല്ല സ്ത്രീകളുടെ വിവാഹപ്രായം ഉയര്ത്തുന്നത്. സദുദ്ദേശ്യത്തോടെയല്ല കേന്ദ്ര നീക്കമെന്ന് ഇ.ടി.മുഹമ്മദ് ബഷീര് എം പി വ്യക്തമാക്കി. മുസ്ലിം വ്യക്തിനിയമത്തിന്റെ ലംഘനമാണിത്. ആശയക്കുഴപ്പമുണ്ടാക്കും. ഏകീകൃത സിവില് കോഡ് നടപ്പാക്കാനുള്ള ഗൂഢനീക്കം പിന്നിലുണ്ടെന്നും അദ്ദേഹം ആരോപിച്ചു. സ്ത്രീകളുടെ കുറഞ്ഞവിവാഹപ്രായപരിധി 21 ആക്കുന്നതിനെതിരെ മുസ്ലിം ലീഗ് പാര്ലമെന്റിന്റെ ഇരുസഭകളിലും ലീഗ് എം.പിമാര് അടിയന്തരപ്രമേയ നോട്ടിസ് നല്കിയതിന് ശേഷം പ്രതികരിക്കുകയായിരുന്നു അദ്ദേഹം.