ആളൊഴിഞ്ഞ റെയില്വേ കെട്ടിടത്തില് യുവതിയുടെ മൃതദേഹം അഴുകിയ നിലയില് കണ്ടെത്തി
കൊല്ലം: ആളൊഴിഞ്ഞ റെയില്വേ കെട്ടിടത്തില് യുവതിയുടെ മൃതദേഹം അഴുകിയ നിലയില് കണ്ടെത്തി. കേരളാപുരം സ്വദേശി ഉമാ പ്രസന്നനാണ് മരിച്ചത്. അഞ്ച് ദിവസം മുമ്പ് യുവതിയെ കാണാതായിരുന്നു. രാവിലെ ചെമ്മാമുക്കില് ആളൊഴിഞ്ഞ റെയില്വേ കെട്ടിടത്തില് നിന്നും ദുര്ഗന്ധം വന്നതോടെ പ്രദേശവാസികള് നടത്തിയ തെരച്ചിലിലാണ് മുപ്പത്തിരണ്ടുകാരിയായ ഉമാ പ്രസന്നന്റെ മൃതദേഹം കണ്ടെത്തിയത്ത്.കഴുത്തിലും ചെവിക്ക് പിന്നിലും മുറിവേറ്റ നിലയിലായിരുന്നു മൃതദേഹം. വ്യാഴാഴ്ച്ച മുതലാണ് യുവതിയെ കാണാതായത്. പിന്നാലെ കുടുംബം കുണ്ടറ പൊലീസില് പരാതിയും നല്കിയിരുന്നു. കൊല്ലം ബീച്ചില് ഉമയെത്തിയെന്ന് പൊലീസ് കണ്ടെത്തിയിരുന്നുവെങ്കിലും മറ്റ് തുമ്പുകളൊന്നും ലഭിക്കാതിരുന്നതോടെ അന്വേഷണം വഴിമുട്ടിയ നിലയിലായിരുന്നു.കൊലപാതകമെന്നാണ് പൊലീസിന്റെ പ്രാഥമിക നിഗമനം. വിരലടയാള വിദഗ്ദരും ഡോഗ് സ്ക്വാഡും സ്ഥലത്തെത്തി പരിശോധിച്ചു. കെട്ടിടത്തിന് പിന്നിലുള്ള കിണറ്റില് സ്കൂബ സംഘവും തെരച്ചില് നടത്തി. റയില്വേ സ്റ്റേഷന് സമീപമുള്ള ഉപയോഗ ശൂന്യമായ കെട്ടിടങ്ങള് സാമൂഹിക വിരുദ്ധരുടെ താവളമാണെന്നാണ് നാട്ടുകാരുടെ ആരോപണം. ലോട്ടറിയും സൗന്ദര്യ വര്ദ്ധക വസ്തുകളും വില്ക്കുന്നതായിരുന്നു ഉമയുടെ ജോലി. ബീച്ചില് നിന്നും കിട്ടിയ യുവതിയുടെ മൊബൈല് ഫോണ് കേന്ദ്രീകരിച്ചാണ് പൊലീസിന്റെ അന്വേഷണം.