കൈക്കൂലി വാങ്ങുന്നതിനിടെ തഹസിൽദാർ  വിജിലൻസ് പിടിയിൽ  

കട്ടപ്പന: കൈക്കൂലി വാങ്ങുന്നതിനിടെ ഇടുക്കിയിൽ  തഹസിൽദാർ

വിജിലൻസ്  പിടിയിലായി. ഇടുക്കി തഹസിൽദാർ ജയേഷ് ചെറിയാനെയാണ് വിജിലൻസ് അറസ്റ്റ് ചെയ്തത്. കാഞ്ചിയാർ സ്വദേശിയോട് വരുമാന സർട്ടിഫിക്കറ്റിന് 10,000 രൂപ കൈക്കൂലിയായി ആവശ്യപ്പെട്ടതോടെയാണ് ജയേഷ് ചെറിയാൻ കുടുങ്ങിയത്. വരുമാന സർട്ടിഫിക്കറ്റ് നൽകണമെങ്കിൽ 10,000 രൂപ വേണമെന്നാണ് ഇയാൾ ആവശ്യപ്പെട്ടത്. കട്ടപ്പനയിലെ വീട്ടിൽ എത്തി പണം നൽകണമെന്നായിരുന്നു നിർദ്ദേശം.10,000 രൂപ കൂടുതലാണെന്നും അത് കുറച്ച് നൽകണമെന്നും വരുമാന സർട്ടിഫിക്കറ്റ് വേണ്ടയാൾ ആവശ്യപ്പെട്ടിട്ടും ഉദ്യോഗസ്ഥൻ തയ്യാറായിരുന്നില്ല. അങ്ങനെയാണ് വിജിലൻസിനെ ഇദ്ദേഹം ഇക്കാര്യം അറിയിച്ചത്. തുടർന്ന് വിജിലൻസിന്റെ നിർദേശപ്രകാരമാണ് പരാതിക്കാരൻ പണവുമായി ഉദ്യോഗസ്ഥന്റെ വീട്ടിലെത്തിയത്.   കാഞ്ചിയാർ സ്വദേശിയിൽ നിന്ന്  കൈക്കൂലി വാങ്ങുന്നതിനിടെയാണ്

കട്ടപ്പനയിലെ വീട്ടിൽ നിന്ന്

തഹസിൽദാറെ അറസ്റ്റ് ചെയ്തത്.