കരസേനയുടെ ചീറ്റ ഹെലികോപ്റ്ററാണ് തകര്ന്നുവീണത്
ദില്ലി : അരുണാചല് പ്രദേശില് സൈനിക ഹെലികോപ്റ്റര് തകര്ന്നുവീണുണ്ടായ അപകടത്തില് രണ്ട് പൈലറ്റുമാര്ക്ക് വീരമൃത്യു വരിച്ചതായി സൈന്യം സ്ഥിരീകരിച്ചു. ലഫ്നറ്റ്റ് വി വി റെഡി , മേജര് ജയന്ത് എ എന്നിവരാണ് വീരമൃത്യു വരിച്ചത് .കരസേനയുടെ ചീറ്റ ഹെലികോപ്റ്ററാണ് തകര്ന്നുവീണത്. അസമിലേക്കുള്ള യാത്രക്കിടെ ബോംഡിലയിലെ മണ്ടാല പര്വത മേഖലയില് വച്ചാണ് അപകടമുണ്ടായത്. ഉച്ചയോടെ നാട്ടുകാരാണ് അപകട വിവരം സൈന്യത്തെ അറിയിച്ചത്. ഉടന് സൈന്യവും പൊലീസും സ്ഥലത്തെത്തി രക്ഷാ പ്രവര്ത്തനം തുടങ്ങി. എന്നാല് പൈലറ്റിനും കോ പൈലറ്റിനും അപകടത്തില് ജീവന് നഷ്ടമായതായി സൈന്യം പ്രസ്താവനയിലൂടെ അറിയിച്ചു. അപകട കാരണം കണ്ടെത്താന് സൈന്യം അന്വേഷണം പ്രഖ്യാപിച്ചു. മൃതദേഹങ്ങള് നാളെ ബന്ധുക്കള്ക്ക് വിട്ടുനല്കും.