സംസ്ഥാനത്ത് കോവിഡ് ബാധിതരുടെ എണ്ണം വീണ്ടും ഉയരുന്നു

തിരുവനന്തപുരം: സംസ്ഥാനത്ത് കോവിഡ് ബാധിതരുടെ എണ്ണം വീണ്ടും ഉയരുന്നു. തുടര്‍ച്ചയായ രണ്ടാംദിവസവും രോഗികളുടെ എണ്ണം ആയിരം കടന്നു. ബുധനാഴ്ച 1370 പേര്‍ക്ക് രോഗം സ്ഥിരീകരിച്ചു. കഴിഞ്ഞദിവസം 1197 പേര്‍ക്ക് രോഗം കണ്ടെത്തിയിരുന്നു. നിലവില്‍ 6462 പേര്‍ നിരീക്ഷണത്തിലാണ്. രോഗസ്ഥിരീകരണനിരക്ക് 8.77 ശതമാനമായി ഉയര്‍ന്നു. കഴിഞ്ഞ ഒരാഴ്ചത്തെ ശരാശരി 7.38 ശതമാനമാണ്. ആറ് മരണങ്ങള്‍കൂടി പുതുതായി റിപ്പോര്‍ട്ട് ചെയ്തതോടെ മരണസംഖ്യ 69,753 ആയി ഉയര്‍ന്നു. എറണാകുളം, തിരുവനന്തപുരം, കോട്ടയം ജില്ലകളിലാണ് രോഗികള്‍ കൂടുതല്‍. ബുധനാഴ്ച എറണാകുളം ജില്ലയില്‍ 463 പേര്‍ക്ക് രോഗം സ്ഥിരീകരിച്ചു. തിരുവനന്തപുരത്ത് 239 പേര്‍ക്കും കോട്ടയത്ത് 155 പേര്‍ക്കും കോഴിക്കോട് 107 പേര്‍ക്കും രോഗം സ്ഥിരീകരിച്ചു.