സംസ്ഥാനത്ത് അടുത്ത 4-5 ദിവസം ഒറ്റപ്പെട്ട ഇടത്തരം മഴയ്ക്ക് സാധ്യത
തിരുവനന്തപുരം : സംസ്ഥാനത്ത് അടുത്ത 4-5 ദിവസം ഒറ്റപ്പെട്ട ഇടത്തരം മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ഡിസംബര് 4 ഓടെ തെക്കന് ആന്ഡമാന് കടലിനു മുകളില് ചക്രവാതചുഴി രൂപപ്പെടാനും ഡിസംബര് 5 ഓടെ തെക്ക് കിഴക്കന് ബംഗാള് ഉള്ക്കടലില് ന്യൂനമര്ദമായി ശക്തി പ്രാപിക്കാനും സാധ്യതയുണ്ട്.തുടര്ന്നുള്ള 48 മണിക്കൂറില് പടിഞ്ഞാറ്, വടക്ക്പടിഞ്ഞാറ് ദിശയില് സഞ്ചരിച്ച് തീവ്ര ന്യൂനമര്ദമായി ശക്തി പ്രാപിച്ച്, ഡിസംബര് 8 ഓടെ തമിഴ്നാട്പുതുച്ചേരി തീരത്തിനു സമീപം എത്തിച്ചേരാനാണ് സാധ്യതയെന്നും കേന്ദ്ര കാലാവസ്ഥാ വകുപ്പ് അറിയിച്ചു.