വെബ്സൈറ്റ് ഉദ്ഘാടനം
കണമല: സർവീസ് സഹകരണ ബാങ്കിന്റെ വെബ്സൈറ്റിന്റെ ഉദ്ഘാടനവും ബാങ്ക് നടപ്പിൽ വരുത്തിയ കാർഷിക പദ്ധതി ഉൾക്കൊള്ളിച്ച് ബാങ്ക് പ്രസിദ്ധീകരിക്കുന്ന “കണമലയുടെ കരുതൽ’ എന്ന പുസ്തകത്തിന്റെ പ്രകാശനവും ഇന്ന് 2.30ന് ബാങ്ക് ഓഡിറ്റോറിയത്തിൽ ബാങ്ക് പ്രസിഡന്റ് ബിനോയ് ജോസ് മങ്കന്താനത്തിന്റെ അധ്യക്ഷതയിൽ പൂഞ്ഞാർ എംഎൽഎ സെബാസ്റ്റ്യൻ കുളത്തുങ്കൽ നിർവഹിക്കും. പഞ്ചായത്ത് പ്രസിഡന്റ് തങ്കമ്മ ജോർജുകുട്ടി, ജില്ലാ പഞ്ചായത്ത് മെബംർ ശുഭേഷ് സുധാകരൻ, ബ്ലോക്ക് മെംബർ മാഗി ജോസഫ്, വാർഡ് മെംബർ മറിയാമ്മ ജോസഫ് തുടങ്ങിയവർ പ്രസംഗിക്കും. വൈസ് പ്രസിഡന്റ് പി.എ. ചാക്കോ സ്വാഗതവും സെക്രട്ടറി താരാ ബിനോ നന്ദിയും പറയും.