മാന്നാറിൻ്റെ “കരവിരുതിൽ ” പിറന്ന ഭീമൻ വാർപ്പിൽ ഗുരുവായൂരപ്പന് എട്ടാം വിളക്കിന് പായസം

  പാലക്കാട് സ്വദേശി കെ.കെ. പരമേശ്വരൻ നമ്പൂതിരിയുടെ കുടുംബമാണ് ഗുരുവായൂരപ്പന് വഴിപാടായി നാലു കാതുള്ള

രണ്ട് ടൺ ഭാരമുള്ള ഭീമൻ വാർപ്പ് സമർപ്പിച്ചത്. ഗുരുവായൂർ ക്ഷേത്രത്തിൽ നിവേദ്യം തയ്യാറാക്കകുന്നത്  വാർപ്പിലാണ് .

കഴിഞ്ഞ ഞായറാഴ്ച  രാവിലെ ശീവേലിക്കു ശേഷം ദേവസ്വം ഭരണസമിതി അംഗവും ക്ഷേത്രം തന്ത്രിയുമായ ബ്രഹ്മശ്രീ. പി.സി.ദിനേശൻ നമ്പൂതിരിപ്പാടിൻ്റെ

മുഖ്യകാർമികത്വത്തിൽ നടന്ന പൂജകൾക്കു ശേഷം വാർപ്പ് ഗുരുവായൂരപ്പന് സമർപ്പിച്ചു.                                                                                                                    ഉൽസവത്തിൻ്റെ എട്ടാം വിളക്കു ദിവസം ഈ വാർപ്പിലാണ് പായസം തയ്യാറാക്കുന്നത്. പതിനേഴര അടി വ്യാസവും. ആയിരം ലിറ്റർ പായസം തയ്യാറാക്കാനുള്ള ശേഷിയുണ്ട്. പൂർണമായും ശുദ്ധ വെങ്കലത്തിലാണ് നിർമ്മാണം. മാന്നാർപരുമല കാട്ടുമ്പുറത്ത് അനന്തൻ ആചാരി, മകൻ അനന്തു ആചാരി എന്നിവരുടെ നേതൃത്വത്തിൽ , നാൽപത് തൊഴിലാളികളുടെ 2 മാസത്തെ അധ്വാനത്തിൻ്റെ ഫലമാണ് ഈ വാർപ്പ്. സമർപ്പണ ചടങ്ങിൽ വഴിപാടുകാരനായ കെ.കെ.പരമേശ്വരൻ നമ്പൂതിരി കുടുംബസമേതം  എത്തിയിരുന്നു. ദേവസ്വം ഭരണസമിതി അംഗങ്ങളായ ബ്രഹ്മശ്രീ മല്ലിശേരി പരമേശ്വരൻ നമ്പൂതിരിപ്പാട്, അഡ്വ.കെ.വി. മോഹന കൃഷ്ണൻ ,

അഡ്മിനിസ്ട്രേറ്റർ കെ.പി.വിനയൻ എന്നിവർ ചടങ്ങിൽ സന്നിഹിതരായിരുന്നു.

ചിത്രം;

സരിത സ്റ്റുഡിയോ

ഗുരുവായൂർ