പഞ്ചാബ് മുഖ്യമന്ത്രി അമരീന്ദര് സിങ് രാജിവച്ചു
പഞ്ചാബ് മുഖ്യമന്ത്രി അമരീന്ദര് സിങ് രാജിവച്ചു. ഗവര്ണറെ കണ്ട് അദ്ദേഹം രാജി സമര്പ്പിച്ചു. അമരീന്ദറിനെ മുഖ്യമന്ത്രി സ്ഥാനത്തുനിന്ന് മാറ്റണമെന്നാവശ്യപ്പെട്ട് 40 എംഎല്എമാര് കഴിഞ്ഞ ദിവസം ഹൈക്കമാന്ഡിനെ സമീപിച്ചിരുന്നു. ഇതില് നാല് മന്ത്രിമാരും ഉള്പ്പെടുന്നു. പഞ്ചാബ് പിസിസി അധ്യക്ഷനായി നവ്ജ്യോത് സിങ് സിദ്ദു വന്നതോടെയാണ് അമരീന്ദറിനെതിരേയുള്ള നീക്കം ശക്തിപ്പെട്ടത്.എഐസിസി സമീപകാലത്ത് പഞ്ചാബില് നടത്തിയ അഭിപ്രായ സര്വേയില് മുഖ്യമന്ത്രിയുടെ ജനപ്രീതിയില് വലിയ ഇടിവുണ്ടായതായി കണ്ടെത്തിയിരുന്നു. നിയമസഭാ തിരഞ്ഞെടുപ്പുമായി വിവിധ ചാനലുകള് നടത്തിയ അഭിപ്രായ സര്വേകളിലും സമാനമായ കണ്ടെത്തലാണുണ്ടായത്. ഇതോടുകൂടിയാണ് അമരീന്ദറിനെ മുന്നിര്ത്തി തിരഞ്ഞെടുപ്പുപ്പിനെ നേരിട്ടാല് തിരിച്ചടിയുണ്ടാകുമെന്ന കാര്യം ഒരുവിഭാഗം എംഎല്എമാര് ഹൈക്കമാന്ഡിനെ അറിയിച്ചത്.