എരുമേലി ശ്രീധർമ്മ ശാസ്താ ക്ഷേത്രത്തിൽ പത്ത് ദിവസമായി നടന്നു വരുന്ന തിരുവുത്സവം ആറാട്ടോടുകൂടി സമാപിച്ചു.
കൊരട്ടിയിൽ നടന്ന ആറാട്ടിനും ദീപാരാധനക്കും ശേഷം
നെറ്റിപ്പട്ടം കെട്ടിയ ഗജവീരന് മുകളിൽ സ്വർണ്ണ തിടമ്പേന്തി നടന്ന ഘോഷയാത്രയിൽ നിരവധി ഭക്തജനങ്ങളും പങ്കെടുത്തു ,
നിരവധി സ്ഥലങ്ങളിൽ നിലവിളക്ക് കൊളുത്തി ഗണപതി കൂട്ടും ഒരുക്കിയും ഭക്തജനങ്ങൾ ശബരീശനെ സ്വീകരിച്ചു.ആറാട്ട് ഘോഷയാത്ര വലിയ നടപ്പന്തലിൽ എത്തിയേപ്പോൾ
എരുമേലി പേട്ട കവലയിൽ ജമാത്ത് ഭാരവാഹികൾ ദേവസ്വം ബോർഡ് പ്രതിനിധികളേയും ,വെളിച്ചപ്പാടിനേയും പൊന്നാട അണിയിച്ച് സ്വീകരിച്ചു . ജാമാത്ത് പ്രസിഡന്റ് അഡ്വ. പി.എച്ച് ഷാജഹാൻ , ട്രഷറർ നാസർ പനച്ചി മറ്റ് പ്രതിനിധികളും സ്വീകരണത്തിൽ പങ്കെടുത്തു.തുടർന്ന് വലിയ നടപ്പന്തലിൽ നാദസ്വരം , ചെണ്ട മേളത്തിന്റെ അകമ്പടിയോടെ ക്ഷേത്രത്തിന് പ്രദക്ഷിണം വച്ച് തന്ത്രിയുടെ പ്രതിനിധി ശംഭു ഭട്ടതിരി, മേൽശാന്തി എം പി ശ്രീവത്സൻ , കീഴ്ശാന്തി എ. എൻ ഹരികൃഷ്ണൻ നമ്പൂതിരി എന്നിവരുടെ നേതൃത്വത്തിൽ കൊടിയിറക്കി.
തിരുവുത്സവത്തിന് സമാപനം കുറിച്ച് ശംഭു ഭട്ടതിരി കൊടിയിറക്കുന്നു .
ചടങ്ങുകൾക്ക് മുണ്ടക്കയം അസി. ദേവസ്വം കമ്മീഷണർ ഒ ജി ബിജു, എരുമേലി ദേവസ്വം അഡ്മിനിസ്ട്രേറ്റീവ് ഓഫീസർ എസ്. ആർ രാജീവ് എന്നിവർ നേതൃത്വം നൽകി.
