എരുമേലിയിൽ ആർക്കും ഒന്നുമറിയില്ല; തീർത്ഥാടകർ പെരുവഴിയിൽ
എരുമേലി: ശബരിമല തീർത്ഥാടനത്തിന്റെ ഭാഗമായി വരുന്ന അയ്യപ്പ ഭക്തർക്ക് എല്ലാ സൗകര്യങ്ങളും ചെയ്തു കൊടുക്കുമെന്ന് സർക്കാരും – ദേവസ്വം ബോർഡും പറയുമ്പോഴും എരുമേലിയിലെത്തുന്ന തീർത്ഥാടകർ പെരുവഴിയിലാണെന്ന് ശബരിമല അയ്യപ്പ സേവ സമാജം സംസ്ഥാന സെക്രട്ടറി എസ്. മനോജ് പറഞ്ഞു.
നാളെ വൃശ്ചികം ആരംഭിക്കുകയാണ് , മുൻ കാലങ്ങളിൽ ലക്ഷക്കണക്കിന് അയ്യപ്പ ഭക്തർ എത്തുന്ന ഈ സമയത്താണ് ഇന്ന് പരിമിതമായ അയ്യപ്പഭക്തർ എത്തിയിട്ടും ഇവർക്ക് വേണ്ട സൗകര്യം പോലും ചെയ്യാൻ കഴിയുന്നില്ലെന്നും അദ്ദേഹം പറഞ്ഞു.
എരുമേലിയിലെത്തി ആരോട് ചോദിച്ചാലും ആർക്കും ഒന്നുമറിയില്ല.
പാർക്കിംഗില്ല , പ്രാഥമിക സൗകര്യം നിറവേറ്റാൻ സൗകര്യമില്ല, ഭക്ഷണത്തിന് മാർഗ്ഗമില്ല, വിരിവയ്ക്കാൻ മാർഗ്ഗമില്ല, ആർറ്റി പി സി ആർ ടെസ്റ്റ് എടുക്കാൻ സൗകര്യമില്ല തുടങ്ങി ഒന്നിനും സൗകര്യമില്ലാത്ത ഇടത്താവളമായി എരുമേലി മാറിയിരിക്കുകയാണെന്നും അദ്ദേഹം പറഞ്ഞു. പകൽ മാത്രമല്ല – രാത്രികാലങ്ങളിലെത്തുന്ന തീർത്ഥാടകർ കടുത്ത ദുരിതാവസ്ഥയിലാണെന്നും അദ്ദേഹം പറഞ്ഞു. ദേവസ്വം ബോർഡ് നാളെയും ലേലം നടത്താൻ തീരുമാനിച്ചിരിക്കുകയാണെന്നും അടിയന്തിരമായി അടിസ്ഥാന സൗകര്യങ്ങൾ ഒരുക്കാൻ അധികൃതർ തയ്യാറാണെന്നും മനോജ് പറഞ്ഞു .