ഉത്തരവിന് സ്റ്റേ; സാങ്കേതിക സര്‍വകലാശാല പരീക്ഷകള്‍ നാളെ മുതല്‍
എ പി ജെ അബ്ദുള്‍ കലാം സാങ്കേതിക സര്‍വകലാശാല പരീക്ഷകള്‍ റദ്ദാക്കിക്കൊണ്ടുള്ള ഹൈക്കോടതി സിംഗിള്‍ ബെഞ്ചിന്റെ ഉത്തരവ് ഡിവിഷന്‍ ബെഞ്ച് സ്റ്റേ ചെയ്തു. സര്‍വകലാശാല സമര്‍പ്പിച്ച അപ്പീലിന്മേലാണ് സ്റ്റേ. ചീഫ് ജസ്റ്റിസ് എസ് മണികുമാര്‍, ജസ്റ്റിസ് ഷാജി പി ചാലി എന്നിവരടങ്ങിയ ബെഞ്ചാണ് സിംഗിള്‍ ബെഞ്ച് ഉത്തരവ് സ്റ്റേ ചെയ്തത്.ഹൈക്കോടതി ഉത്തരവ് പ്രകാരം മുന്‍ നിശ്ചയിച്ചപ്രകാരമുള്ള എല്ലാ പരീക്ഷകളുടെയും നടത്തിപ്പുമായി മുന്നോട്ട് പോകാന്‍ അനുമതി നല്‍കിയതായി സര്‍വകലാശാല അറിയിച്ചു. നാളെ ( ജൂലൈ 29) മുതല്‍ ഷെഡ്യൂള്‍ ചെയ്തിട്ടുള്ള എല്ലാ പരീക്ഷകളും ടൈംടേബിള്‍ പ്രകാരം നടത്തുന്നതായിരിക്കും. മാറ്റിവെച്ച ജൂലൈ 28ലെ പരീക്ഷകളുടെ പുതുക്കിയ തീയതി ഉടന്‍ അറിയിക്കുമെന്നും സര്‍വകലാശാല അറിയിച്ചു.
