ഇടുക്കി: ഡെപ്യൂട്ടി തഹസില്‍ദാറിനെ മരിച്ച നിലയില്‍ കണ്ടെത്തി. കരുനാഗപ്പള്ളി മുട്ടത്ത് ബംഗ്ലാവില്‍ അബ്ദുല്‍സലാമിനെയാണ് (46) ഇടുക്കി ചെറുതോണി പാറേമാവില്‍ വാടകയ്ക്ക് താമസിക്കുന്ന വീടിനുള്ളിലാണ് മരിച്ച നിലയില്‍ കണ്ടെത്തിയത്. കഴിഞ്ഞ ദിവസം രാത്രിയോടെ വീട്ടുടമസ്ഥനാണ് മൃതദേഹം കണ്ടത്. അബ്ദുല്‍സലാമിനെ ഫോണ്‍വിളിച്ചിട്ട് എടുക്കാതായതോടെ ബന്ധുക്കള്‍ വീട്ടുടമയെ വിവരം അറിയിക്കുകയായിരുന്നു. തുടര്‍ന്ന് ഇയാള്‍ വീട്ടിലെത്തി നോക്കുമ്പോഴാണ് കസേരയില്‍ മരിച്ച നിലയില്‍ അബ്ദുല്‍സലാമിനെ കണ്ടത്. ഇദ്ദേഹം 20 ദിവസം മുമ്പാണ് ഇടുക്കിയിലേക്ക് സ്ഥലം മാറിയെത്തിയത്. ഹൃദയസ്തംഭനമാണ് മരണകാരണമെന്നാണ് പ്രാഥമിക നിഗമനം. മൃതദേഹം ഇടുക്കി മെഡിക്കല്‍ കോളേജിലേക്ക് മാറ്റി. 
